Në 20 nëntor Bes Kallaku prezantoi premierën e filmit të tij, ‘Falco’. Filmi vazhdon të jepet në të gjitha kinematë shqiptare dhe deri më tani ka pasur një impakt mjaft pozitiv nga publiku. Në premierën e ‘Falco’, Besi falenderoi çdokënd që i ka dhënë mundësinë të shfaqë talentin e tij dhe të gjithë pedagogët që kanë ndikuar në formimin si aktor. Por duket se ai nuk ka harruar të falenderojë në filmin e tij aktorët e humorit që u ndanë para kohe nga jeta, nga të cilët ka mësuar shumë për profesionin. Për ata që nuk e kanë parë ende ‘Falco’, Besi ka treguar se këtë dedikim në nderim të figurave të shquara e ka bërë në fund të filmit të tij. “Për të gjithë ata që e kanë parë filmin ‘Falco’ e kanë vënë re këtë dedikim timin në fund të filmit. Unë mund ta quaj komedia më e bukur shqiptare ‘Falco-n’, por kurrë nuk krahasohem me ata me të cilët u rrita dhe mësova. Ndaj doja ta ndaja edhe me gjithë të tjerët këtë post”, ka shkruar Besi në ‘Instagram’.
https://www.instagram.com/p/B5Sdrp1HE-J/
Siç duket edhe nga fotografia ku përfshihen dy aktorët e mirënjohur, Fadil Hasa dhe Muhamet Lika, që janë ndarë nga jeta, thuhet: “Në nderim të të gjithë aktorëve shqiptarë të humorit që na pasuruan me buzëqeshje, por ikën të varfër nga ky vend…”. Artistët e ndjerë kanë lënë një vend bosh në kinematografinë shqiptare dhe siç duket mungesë e tyre nuk e ndjen vetëm publiku. /revistawho.com
