Grimieri i njohur me origjinë shqiptare, Mario Dedivanovic, ka zbuluar së fundmi dhuratën e vetme luksoze që i ka bërë vetes. Ajo është një varëse floriri me stemën e shqiponjës, për të cilën fillimisht ka hezituar, por ishte vëllai i tij që e bindi ta blinte. “E para bizhuteri që i kam dhuruar vetes. I kam dhuruar të tjerve disa herë, por vetes kurrë. Po ecja në qendër tregtare me babin dhe vëllain për t’i gjetur babait një pallto dimri dhe me cep syri pashë këtë varëse që shkëlqent3. Vëllai më tha të shkoja brenda ta shihja, por unë i thashë që jo, por ai më shty brenda dhe tha: “Vëlla ke punuar kaq fort që kur ke qenë 12 vjeç dhe kurrë si ke blerë vetes një bizhuteri. Duhet ta marrësh këtë”. Unë i thashë: “Jo, nuk duhet por mendoj që e dua dhe e meritoj”. Pushon në zemrën time tani. Unë gjithashtu dhurova të njëjtën shumë si të varëses për të ndihmuar familjet që u prekën nga tërmeti në Shqipëri. Ajo që dua të them është se duhet ta duash dhe trajtosh veten njësoj siç bën me të tjerët. Jeta është e bukur dhe unë jam kaq i lumtur të filloj ta jetoj”, shkruan Mario. Ai ka marrë menjëherë komente mjaft pozitive, që e vlerësojnë për atë që ka shkruar dhe atë që ka bërë për shqiptarët.
https://www.instagram.com/p/B5h_8i7FuBI/?igshid=f64az77qe6gv
