Rita Ora ka pasur një raport shumë miqësor me Avicii, artisti i cili ndërroi jetë një vit më parë. Këngëtarja ka shprehur në çdo koncert keqardhjen për ndarjen e parakohshme nga jeta të mikut të saj, me të cilin ajo bashkëpunoi në vitin 2017 për këngën “Lonely Together”. Mbrëmjen e djeshme këngëtarja ka mbajtur një koncert në Suedi për të rritur ndërgjegjësimin për shëndetin mendor. Duke qenë se edhe Avicii vrau veten për shkak të problemeve me shëndetin mendor, familja dhe miqtë e tij dëshirojnë që këtë ta kthejnë në një kauzë botërore. Përkrah disa videove nga koncerti që ka mbajtur Rita ka shkruar: “Dua të falenderoj familjen e Avicii që organizoi këtë për të rritur ndërgjegjësimin për shëndetin mendor, veçanërisht në industrinë e muzikës. Zakonisht suksesi shihet si një prezantim se një njeri është mirë edhe nga ana mendore, megjithatë mund të shohim se ka ende shumë punë për t’u bërë. Faleminderit 60 mijë personave dhe atyre që e kanë parë në shtëpi si dhe familjes së Tim”. Gjithashtu ajo ka shkruar në fund një shprehje të babait të Avicii-t që ka thënë se ky koncert duhet të shërbejë për të rikthyer në vëmendjen e të gjithëve problemet e shëndetit mendor, që në shumë raste janë fatale për jetën. /revistawho.com
https://www.instagram.com/p/B5tRzX3la-D/?igshid=qt9psbm9n1a2
