Mbrëmjen e kaluar, shef Renato Mekolli vendosi t’i bëjë një lojë konkurrentëve duke i bërë të besonin se ai ishte tërhequr tashmë dhe vendin e tij do e zinte shef Alsi Sinanaj. Pasi Alsi drejtoi për një puntatë kuzhinën e ‘Hell’s Kitchen’, Renato zbuloi se kjo ishte e ideuar qëllimisht për të gjithë konkurrentët. Ndërsa me anë të një postimi në rrjetet sociale, Mekolli i ka kërkuar ndjesë të gjithëve për tërheqjen e vëmendjes.
“Ndjesë për tërheqjen e vëmendjes suaj, si dhe një falenderim të veçantë fansave jo vetëm të mi, por edhe të ‘Hell’s Kitchen’ që ju shqetësova me lajmin e sotëm. Mos u shqetësoni sepse unë do të vazhdoj të jem pjesë e këtij formati televiziv në ‘Top Channel’, të cilin e kam sjellë vetë dhe e dua shumë. Tek secili nga ne ekziston një djall, ‘Hell’s Kitchen’ për të vazhduar. @alsi_sinanaj faleminderit shumë që ishe me ne”, ka shkruar Mekolli në foton ku shfaqet së bashku me Alsin.
Kujtojmë se menjëherë pas lajmit të rremë se Renato nuk do të ishte më pjesë e ‘Hell’s Kitchen’, në rrjet u shkaktua një zhurmë e madhe nga të gjithë ndjekësit të cilët e kanë ndjekur me shumë dëshirë deri më tani./revistawho.com
https://www.instagram.com/p/B5v3o50HlC4/
