Adrola Dushi ka shoqëruar Ardit Gjebrean në skenën e madhe të ‘Pallatit të Kongreseve’ për dy netë me radhë për drejtimin e ‘Kënga Magjike’. Kjo ishte eksperienca e parë e modeles në moderimin e një spektakli të tillë dhe me origjinalitetin e saj arriti ta përballonte situatën në mënyrën më të mirë. Megjithatë, nuk munguan as kritikat e ndjekësve të festivalit, të cilët u shprehën se Adrola nuk ishte personi i duhur për prezantimin e ‘Kënga Magjike’. Por modelja ka pasur mbështetjen e gjithë miqve të saj, që i dinë më së miri vlerat e Adrolës. Edhe Roza Lati ka komplimentuar modelen për mënyrën se arriti ta mbante mbi supe peshën e një festivali aq të rëndësishëm. Roza ka publikuar në ‘Instagram’ një foto të Adrolës dhe i ka dedikuar disa fjalë. “E kam ndjekur këtë edicion të ‘Kënga Magjike’ dhe dua ta vlerësoj shumë Adrolën për guximin e madh që kapërdiu emocionet dhe presionin e një salle prestigjioze si ‘Pallati i Kongreseve’ dhe të prezantoj një spektakël grandioz… Nuk është e lehtë zemër… Adrola nuk është prezantuese”, ka shkruar Roza në postimin e saj.
Më pas ajo është shprehur se Dushi është modelja më e mirë shqiptare dhe prandaj ja doli më së miri që të prezantonte edhe festivalin, pavarësisht mungesës së eksperiencës.
Roza ka rikujtuar edhe kohën kur Adrola ishte e ftuar në emisionin e saj “Why Not”, duke e cilësuar si puntatën më të bukur. Ditën e sotme do të mbahet finalja e ‘Kënga Magjike’ dhe Adrola do të ketë sërish mundësinë të provojë magjinë e një skene gjigande. /revistawho.com
