Një nga reperet më të pëlqyera në vendin tonë, Tayna feston sot ditëlindjen e saj të 23-të. Ka qenë një nga mikeshat e saj, modelja e njohur, Vildane Zeneli e cila ka zgjedhur ta urojë këngëtaren me anë të disa posimeve në ‘Instastory’, ku kujtonte momentet më të bukura të pushimeve së bashku.
“E talentuar, e zgjuar, e qeshur dhe kërcimtarja më e mirë. Nuk ka fjalë të mjaftueshme në fjalor të përshkojnë dashurinë time për ty, por ti thuajse e di tashmë. Të dua, gëzuar ditëlindjen zemra ime”, ka shkruar Zeneli në videot ku dy vajzat shfaqen duke kërcyer dhe qeshur me njëra-tjetrën.
Me siguri në llogarinë në rrjetet sociale të Taynës do të mbërrijnë të tjera urime nga fansat dhe dashamirësit e saj.
Kujtojmë se reperja ka sjellë herë pas here projekte të ndryshme muzikore, duke u kthyer kështu në një nga zërat e preferuar. Së fundmi ajo publikoi këngën me titull ‘Sorry’, e cila numëron disa milionë klikime në kanalin e ‘Youtube’ dhe u kthye menjëherë në hit./revistawho.com
