Ditën e premte Kim Kardashian publikoi kartolinën e Krishtlindjeve, në të cilën shfaqej së bashku me Kanye West dhe 4 fëmijët e tyre. Kjo në fakt i habiti të gjithë, pasi vitet e kaluara Kim ka pozuar për festat e fundvitit së bashku me pjesëtarët e tjerë të familjes Kardashian-Jenner. Siç duket kjo e ka pasur një arsye, ndaj ajo ka vendosur që këtë vit ta bëj gjithçka shumë thjeshtë.
“Ka qenë e vështirë për ta për vite me radhë që të bëheshin të gjithë bashkë për kartolinën e Krishtlindjes. Vitin e kaluar kur Kim e organizoi pati shumë ankesa. Kjo gjë e stresoi vërtetë shumë. Ajo nuk po i duronte dot më dramat dhe vendosi të bënte vetëm 1 për familjen e saj këtë vit. Ajo e di që fansat do donin të shikonin familjen e plotë bashkë, prandaj ishte e rëndësishme për të që të publikonte një foto speciale”, ka thënë një burim për ‘People’. Imazhi që Kim publikoi për festat e fundvitit ishte më i thjeshtë se çdo herë tjetër, pasi ata kishin zgjedhur të pozonin në shkallët e shtëpisë veshur me kostume sportive në të njëjtën ngjyrë. Familja Kardashian-Jenner ka pasur probleme të shumta kohët e fundit për shkak të përplasjeve të herë pas hershme mes motrave dhe kjo gjë mesa duket e ka lodhur Kim. /revistawho.com
