Ditën e djeshme “Prive.al” zbuloi se Mc Kresha do t’i jepte fund beqarisë mbrëmjen e së dielës. Siç duket ky lajm është i vërtetë dhe sot “Prive.al” ka arritur të sigurojë një foto të partneres së reperit veshur si nuse. Erzina shihet e veshur me një fustan të bardhë tepër modern dhe pamja e saj duket shumë larg asaj të një nuse tradicionale. Fustani i saj duket i shkurtër dhe në pjesën para e mbrapa ka një bisht të gjatë.
Pavarësisht se nuk dihet asnjë detaj më tepër për dasmën e reperit, nga pamja e nuses duket se gjithçka do të jetë shumë moderne, njësoj si ajo. Është mësuar se Mc Kresha ju ka kërkuar të gjithë të ftuarve që të mos publikojnë asgjë në rrjete sociale, për të ruajtur deri në fund privatësinë. Reperi është treguar gjithmonë shumë i rezervuar për jetën e tij dhe siç duket ai e ka vendosur të mos zbulojë asgjë për fansat e tij. /revistawho.com
