Princi Louis rritet dita-ditës, Kate Middleton zbulon cila ka qenë fjala e parë që ai ka shqiptuar

Princ Louis, fëmija më i vogël i Kate Middleton dhe William, po rritet dita-ditës dhe duket se tashmë ka nisur të flasë fjalët e para. Në një intervistë për “A Berry Royal Christmas” në “BBC”, Kate ka zbuluar fjalën e parë që Princ Louis ka shprehur. Duke folur me drejtuesen e emisionit dhe njëkohësisht shkrimtaren e disa librave për kuzhinë, Mary Berry, dukesha ka treguar se vogëlushi ka thënë si fjalë të parë emrin e moderatores. “Fjala e parë e Louis ishte Mary, sepse fiks në gjatësinë e tij janë gjithë librat e mi të gatimit në raftet e kuzhinës. Dhe fëmijët magjepsen menjëherë pas fytyrave dhe fytyra jote është në gjithë librat e gatimit dhe ai thotë ‘kjo është Mary Berry’… kështu që ai do të të njihte menjëherë nëse do të shikonte sot”, i ka thënë dukesha moderatores së emisionit. Vogëlushi i familjes mbretërore në muajin prill festoi 1-vjetorin e lindjes dhe përveç tij Kate e William kanë dhe dy fëmijë të tjerë, Princeshën Charlotte dhe Princin George. /revistawho.com