Julian Deda dhe Albano Bogdo kanë më shumë vite si pjesë e kastit të aktorëve të produksionit të humorit, që si fillim u njoh me emrin “Apartamenti 2XL”, më pas “Duplex” e tashmë si “Klanifornia”. Edhe pse shumë kanë ikur e kanë ardhur, Juli dhe Albano kanë qëndruar aty e ata e njohin më mirë se kushdo tjetër njëri-tjetrin. Për këtë arsye Juli i ka dedikuar disa fjalë mikut të tij dhe mes tyre nuk kishte si të mungonte humori, që është puna që të dy ata e bëjnë më së miri. Juli ka publikuar në ‘Instagram’ një foto me Albanon të shkëputur nga një skeç i tyre në spektaklin “Klanifornia”. “Po bëhen gati 10 vite që punoj me këtë kokëshkrepsen këtu. E them me bindje se duhej të isha paguar ekstra për vështirësi pune, por gjithashtu e pranoj se është një nga njerëzit më të talentuar që njoh. Një duartrokitje për Albano Bogdo”, ka shkruar Deda në postimin e tij.
https://www.instagram.com/p/B6HFUxnl1I2/
Aktorët e humorit kanë treguar se ruajnë raportin miqësor edhe jashtë orarit të punës, jo vetëm me njëri-tjetrin, por me gjithë trupën e aktorëve të “Klanifornia”. /revistawho.com
