Ditën e sotme është mbajtur edicioni i 15-të i çmimeve ‘Kult’. Gara dukej shumë e fortë pasi nominimet ishin për këngët si: ‘Të dha ty’ nga Aurel Thellimi, ‘Pa mua’ nga Anxhela Peristeri, ‘Gjërat kanë ndryshuar’ nga Elvana Gjata, ‘Më ke mua’ nga Kejsi Tola, Elton adeda dhe Sidrit Bejleri.
Akademia ‘Kult’ ka vlerësuar me këngën e vitit produksionin muzikor me titull ‘Pa mua’ nga Anxhela Peristeri, e cila përjetoi emocione mjaft të forta. Ajo theksoi se ky ishte një sukses për këngën e cila nuk u bë publike nga ndonjë festival, megjithatë rrëmbeu dashurinë e gjithë publikut.
Në fund të fjalimit, Peristeri pohoi për të gjithë se të ardhurat monetare nga trofeu i akademisë, do të shkojnë për të prekurit e tërmetit të datës 26 nëntor. Ky gjest u duartokit nga të gjithë të pranishmit në sallë, të cilët e vlerësuan veprimin e këngëtares së njohur./revistawho.com
https://www.instagram.com/p/B6MM0LIBNUD/?igshid=xbeua9s2pdwu
