Stine ka qenë mjaft i komentuar për jetën e tij private, pas ndarjes nga bashkëshortja e tij, Gracia. Së fundmi ai ka qenë i ftuar në natën e parë të Festivalit të RTSH-së për të kënduar në një kolazh me Luan Zhegun. Këngëtari ka qenë i shoqëruar pikërisht nga ish-bashkëshortja e tij. Në fotot e publikuara nga Blitz.al, Stine shfaqet pranë Gracias dhe të gjithë kanë dyshuar për një rikthim mes tyre. Megjithatë pas ndarjes, dyshja deklaruan se kishin mbetur miq të mirë. Prania e Gracias mund të lidhet pikërisht me këtë raport mes tyre, pasi me siguri ajo ka preferuar ta mbështesë në këtë dalje të tij në skenë. Kujtojmë se ajo dhe Stine kanë një vajzë 4-vjeçare së bashku, të quajtur Estia.
