Aktori i njohur i humorit, Julian Deda ka vendosur t’i urojë të gjithë ndjekësit e tij në llogarinë në ‘Instagram’ në këtë vigjilje Krishtlindjesh me anë të disa fjalëve mjaft të ndjera. “Dita e lindjes së Krishtit, si ditë shprese. Sot më shumë se kurrë, secili nga ne ka nevojë njerëzore të përmirësojë mënyrën e të jetuarit për vete dhe për familjen e tij. Secili nga ne përpiqet me mish e me shpirt të shkojë drejt qëllimit, për të cilin ka ardhur në këtë botë. E çfarë nuk bën njeriu për t’ia arritur këtij qëllimi, njëmijë veprime dhe mosveprime, por kryesorja, ajo që ne bëjmë gati në mënyra instiktive, ne lutemi. Mund të jemi një nga popujt e parë në botë për sasinë e lutjeve që dërgojmë atje lart. Lutemi shumë, sepse jemi të vuajtur dhe të sinqertë. Lutemi shumë, por ndonjëherë besojmë pak. E kundërta duhet të ndodhë, të lutemi më pak dhe më cilësisht dhe të besojmë më shumë. Të besojmë tek vetja, të besojmë tek njëri-tjetri dhe mbi të gjitha të besojmë në zot. Uroj që kjo natë Krishtlindje t’ju mbushë me shpresë, me lumturi dhe me dashuri ju dhe familjet tuaja. Uroj shëndet të plotë për ju, në mënyrë që të shijoni çdo moment të jetës dhe të jeni krenar për ditët që jetuat në këtë tokë. Për shumë vjet zoti na bekoftë familjet”, ka shkruar Juli në foton e tij më të fundit në ‘Instagram’.
Duke dhënë një mesazh mjaft të rëndësishëm Deda ka zgjedhur t’i urojë të gjithë në këtë formë për mbrëmjen e Krishtlindjeve. Ky urim është pëlqyer nga të gjithë ndjekësit e aktorit, të cilët i kanë uruar po të njëjtën gjë./revistawho.com
https://www.instagram.com/p/B6c21RnFBil/
