Debate mbi fituesen, drejtori i festivalit mbyll çdo gjë me deklaratën e tij

Festivali i fundvitit në RTSH solli shumë polemika mbi fituesen, e cila u shpall Arilena Ara. Fansat ishin ndarë në dy grupe, ata që ishin dakort me vendimin e jurisë dhe ata që do donin të shikonin Elvanën në ‘Eurovizion’. Pas kritikave të shumta, drejtori i festivalit Thoma Gëllçi është shprehur se vendimi i jurisë është i padiskutueshëm dhe i pavarur. Gëllçi tha për ‘Panorama’ se shumë shpejt do të bëhet analiza e festivalit, që do të jetë e hapur për të gjithë. “Siç është në traditën e RTSH-së, së shpejti do të zhvillohet analiza e festivalit që do të jetë e hapur për shtypin dhe publikun. Debatet janë të natyrshme, ndërsa vendimi i jurisë është i pavarur dhe i padiskutueshëm”, u shpreh Gëllçi.