Këtë mbrëmje duket se moderatorja e dashur e publikut shqiptar, Arbana Osmani ka vendosur të darkojë me të gjithë stafin e saj. Me anë të postimeve të ndryshme në llogarinë në ‘Instagram’, Arbana ka zbuluar se çfarë ka gatuar për të gjithë grupin e punës dhe se si e ka arreduar tavolinën me motivet e festave.
Megjithatë në disa video të tjera, Osmani ka pohuar se stafi i saj është ai më jokorrekti, pasi duket se ata janë vonuar për të darkuar. Arbana ka treguar edhe gjelin e detit, për të cilin ka pasur dhe shumë kuriozitet nga ndjekësit se si është përgatitur, ndaj moderatorja ka pohuar se do e ndajë recetën me të gjithë.
Pavarësisht këtyre videove plot humor, duket se festa e fundvitit në shtëpinë e moderatores ka nisur. Kujtojmë se në muajin janar Osmani do të shfaqet sërish në ekranin e ‘Top Channel’ me sezonin e radhës të emisionit ‘Dua të të bëj të lumtur’./revistawho.com
