Capital T ka qenë një nga artistët më të përfolur të vitit që po lëmë pas. Koncerti i mbajtur në datë 20 shtator në sheshin ‘Nënë Tereza’ dhe të gjitha projektet muzikore që artisti ka sjellë në periudha kohore të ndryshme, kanë bërë që emri i tij të jetë kryefjala e mediave rozë.
Së fundmi reperi ka publikuar një pjesë të këngëve të tij, duke rikujtuar se çfarë ka sjellë për të gjithë fansat e tij.
“Me rastin e përfundimit të një dekade po ju përkujtoj pak çfarë kemi prodhuar prej muzikës edhe klipeve vetëm për vitin 2019, sepse të përmbledh gjithë dekadën nuk ka ‘Instagram-i’ minuta. Njëkohësisht shfrytëzoj rastin t’ju uroj festën dhe t’ju falenderoj të gjithëve për dashninë, shoqërinë dhe përkrahjen, pa të cilën të gjitha këto vite nuk do ishin kaq të mira. 2019 për mua ishte fantastike, shumë ‘Kujtime’ e ‘Drama’, disa duke pirë ‘Hookah’ me shoqëri, e disa të tjera që ta bëjnë zemrën ‘Akull’, e kështu i kaluam ‘200 ditë’, jo po 365. Urime dhe të gjitha të mirat ju përcjellshin edhe 10 dekada të tjera. Mos harroj të prek, 2020 jam më shumë se gati për ty, duke filluar prej 20 janarit. Ju do Kapo”, ka shkruar artisti krah videove të tij në rrjetin e ‘Instagram’.
Fansat i kanë treguar si çdo herë mbështetjen e tyre, duke i uruar dhe Vitin e Ri me më shumë suksese. Kujtojmë se projektet muzikore të Capital T kanë qenë ndër të preferuarat e publikut dhe numërojnë miliona klikime në kanalin e ‘Youtube’./revistawho.com
https://www.instagram.com/p/B6vG-u3hc3W/?igshid=ps7nqabx7tw8
