Justin Bieber i dha fansave të tij lajmin më të mirë në mbyllje të vitit të kaluar. Ai i lajmëroi të gjithë se në 2020 do të sjellë një album të ri muzikor. Pas këtij momenti ndjekësit e Bieber kanë lënë një serë komentesh në rrjetet sociale, ndërsa shumë prej tyre vunë në dukje faktin se për rikthimin e tij duhet të falenderonin Hailey-n.
Burime ekskluzive kanë treguar për ‘Hollywoodlife’ se Justin ndihet shumë në formë për t’u rikthyer falë bashkëshortes së tij. Ata kanë shtuar se Bieber mendon se mund t’ja dalë mbanë çdo sfide për shkak të mbështetjes që i jep partnerja e tij.
Kujtojmë se dyshja ka qenë shpesh në vëmendjen e mediave rozë, për shkak të romancës dhe dashurisë që kanë shprehur për njëri-tjetrin edhe në publik./revistawho.com
