Natën e ndërrimit të viteve, ish-banorja e ‘Big Brother’, Xheni Mhillaj publikoi foton e parë me partnerin e saj misterioz, i cili ishte vetë Benardi. Dyshja kanë qenë të lidhur brenda shtëpisë, por pak kohë pasi dolën deklaruan ndarjen. Megjithatë u duk se Xheni kishte nisur një kapitull të ri, pasi publikonte shpesh foto pranë partnerit të ri. Tre ditë më parë, ajo zbuloi që ai ishte Benardi dhe me sa duket dyshja ka vendosur t’i japë njëri-tjetrit një shans të dytë. Madje ata duken më të dashuruar se kurrë. Por cila është arsyeja që Xheni e mbajti të fshehtë lidhjen me të? Ish-banorja e ka zbuluar këtë me anë të një ‘Instastory’. “Besoj se pas një ndarje nuk është mirë ti bësh direkt publike, sepse nuk di as vetë si do shkojë lidhja. Kjo është arsyeja”, i përgjigjet Xheni njërit prej ndjekësve. Kujtojmë se Benardi i ka propozuar Xhenit me një unaë, megjithatë ajo shprehet se nuk janë të fejuar pasi nuk kanë organizuar një fejesë.
