Këngëtarja e njohur e ‘showbiz-it’ shqiptar, Adelina Tahiri nuk ka ngurruar të ndajë momentet më të dashura me djalin e saj që prej momentit kur u bë nënë për herë të parë.
Së fundmi me anë të një postimi në ‘Instagram’, Tahiri ka treguar edhe më shumë se çfarë është sipas saj të jesh nënë.
“Mama të do pafund jetë. Çdo nënë e di dashurinë e fëmijës, nuk dua ta ekzagjeroj, as nuk dua të aktroj dhe të dal nga vetja, por diçka dua ta them. Kurrë më e kompletuar nuk jam ndjerë, kur dëgjoj që dikush më do aq çiltër, pa interes më thërret mama. Nuk ka gjë që më përmbush më shumë se një puthje apo përqafim i tij, nuk ka sukses më të madh kur dëgjoj një fjalë të tij, me rritet zemra. E dua më shumë se veten, e di është normale si çdo nënë, por ndesha ta ndaj me ju dashurinë që kam për të. Mundohemi të jemi prindër të mirë. Të duam Joni, mami dhe Tata. Je dashuria jonë, lumturia dhe gëzimi”, ka shkruar Adelina krah fotos ku shfaqet me djalin në dëborë.
Kujtojmë se disa kohë më parë u dyshia se këngëtarja ishte sërish në pritje të ëmbël, megjithatë ajo nuk ka konfirmuar ende asgjë rreth këtij fakti./revistawho.com
https://www.instagram.com/p/B7rI2UeFjHa/?igshid=1vyy3kacdnl2g
