Disa ditë më parë reperi kosovar Capital T na bëri të ditur nëpërmjet një postimi në Instagram se në muajin shkurt do të vinte me një projekt të ri muzikor nga Parisi. Duke mos treguar më shumë detaje ai i la të gjithë kuriozë mbi këngën e tij. Mirëpo pak më parë reperi ka lajmëruar se në festën e Shën Valentinit, më 14 shkurt do të sjellë këngën e tij më të re. “Je t’aime” do të titullohet kënga e cila me siguri do jetë një baladë e cila do godasë drejt në zemër.
Në llogarinë e tij në Instagram, ai ndau një video ku tregonte një fragment të videoklipit të këngës së re, ndërsa shfaqet i ulur në një tavolinë dhe shkruan letra të pafundme dashurie.
“A ki mi thon najkujt “Je T’aime” ?- shkruan Capital T krahas videos që na bëri të gjithëve kuriozë për të dëgjuar këngën e re.
Nuk na mbetet gjë tjetër veçse të presim dhe disa ditë për të shijuar suksesin e radhës të Capitalit.
https://www.instagram.com/p/B8dxPFrhFzI/?igshid=zzfyqkoo10c3
