Ditën e sotme u bë e ditur se këngëtarja e njohur e muzikës shqiptare, Artjola Toska humbi njeriun e saj më të shtrenjtë, babain, pas një sëmundjeje të rëndë. Në këtë moment delikat nuk ka munguar mbështetja e gjithë miqve të artistes. E fundit që ka shkruar duke i dedikuar fjalët më të ndjera Artjolës, ka qenë moderatorja Arbana Osmani, e cila ka treguar se këtë të shtunë do të transmetohet emisioni në të cilin është prezent këngëtarja, ndonëse është xhiruar disa javë më parë.
“Ngushëllimet e mia më të sinqerta për humbjen e babait, mikeshës dhe artistes me zemër të madhe. Pak ditë më parë regjistruam programin ku Artjola zgjodhi të ishte e pranishme për t’i dhënë dikujt një mesazh shprese, ndërsa babai i saj ishte shumë shumë sëmurë. Të shtunën do ta shihni në ekran të buzëqeshur, por unë e di që zemra e saj dhemb, ashtu siç ndodh shpesh me artistët që para publikut që i do fshehin lëndimet personale dhe janë gati të argëtojnë dhe të çojnë misionin e tyre deri në fund. Faleminderit Artjola, je e rrallë”, ka shkruar Osmani krah fotos së fundit në ‘Instastory’.
Kujtojmë se personazhe të njohur të ‘showbiz-it’ shqiptar bëhen pjesë e ‘Dua të të bëj të lumtur’ çdo të shtunë duke takuar dhe motivuar ndjekësit e tyre më të zjarrtë./revistawho.com
