Ditën e djeshme u tha se gazetarja bukuroshe Ilda Bejleri kishte aksidentuar një 64- vjeçare. Lajmi mori dhenë dhe reagimet publike nga moderatorja nuk kanë munguar. Së fundmi ajo reagoi përsëri duke postuar në Instastory një foto nga shtëpia e saj për të shuar çdo dyshim lidhur me ndonjë arrestim të mundshëm. Gjithashtu bashkëngjitur me foton ishte dhe një shkrim, ku Ilda tregon me detaje ngjarjen dhe thotë se pasi u hapën kamerat nga policia është vërtetuar se ajo nuk ka faj.
“Për fatin të mirë timin, kamerat janë hapur në polici dhe është vërtetuar që makina ime ka qenë e ndaluar në momentin që zonja është rrëzuar në nxitim e sipër për të kaluar rrugën edhe pse semafori jeshil ishte i hapur për makinat. Kush ka ndonjë dyshim të shkojë të shohë videon në polici. Unë pyeta për zonjën në momentin e parë por më pas duke qenë se makina ime në momentin e rrëzimit nuk ishte në ecje e sipër nuk ndjeva që kisha bërë diçka për t’u ndjerë fajtore. Të gjitha makinat e tjera u larguan por unë qëndrova pak. Por nuk ndjeva asnjë detyrim që të qëndroja më shumë së nuk mbaj përgjegjësi për njerëzit që rrëzohen në rrugë. Zonja për fat të mirë është shëndoshë e mirë”, shkruan Ilda duke sqaruar situatën.
Mesa duket tani çdo gjë tashmë ka një përgjigje të qartë.
