Facebook-u sjell një tjetër risi

Facebook sjell një tjetër ndryshim, një lajm ky që do të bëjë të lumtur mbi të gjitha fansat e futbollit.Bëhet fjalë për korniza të ndryshme që mund t’i vendosni në foton e profilit, njësoj siç bënë shumë përdorues pas sulmit terrorist të ndodhur në Paris në Nëntor, në shenjë sensibilizimi për viktimat.Tashmë, rrjeti social sjell korniza të ndryshme që kanë për qëllim të shprehin mbështetjen për një skuadër futbolli, një çështje apo moment të caktuar. Ato shfaqen përreth fotos së profilit duke zënë një pjesë të saj, por duke e lënë të dukshme foton. Këto korniza vijnë bashkë me opsionin që të qëndrojnë për një kohë të caktuar në foto dhe më pas të hiqen automatikish./tvklan.al