Surpriza e artistëve shqiptarë, ja këngët që do të publikohen këtë Shën Valentin

Shën Valentini po vjen dhe në këtë ditë feste disa nga artistët shqiptarë kanë vendosur të sjellin këngët e tyre më të reja, si surprizë për publikun. Alban Skënderaj do të publikojë një këngë të re më 14 shkurt dhe sigurisht që pritet të jetë shumë romantike. Këngëtari nuk e ka bërë ende të ditur titullin. Në këtë ditë do të publikojë videoklipin e tij më të ri edhe Mozzik i cili ka premtuar se do të jetë një hit. Po ashtu edhe reperi Capital T do të publikojë këngën e shumëpritur “Je t’aime” për Shën Valentin, klipin e të cilës e ka realizuar në Paris. Ndërsa Ronela Hajati do të publikojë dy këngë, të dyja shumë të ndryshme nga njëra-tjetra. Ronela ka zbuluar se këngët do të mbajnë titullin “Gënjeshtar je” dhe “Pare”. Një projekt surprizë në 14 shkurt do sjellë edhe Alban Ramosaj i cili këtë herë sjellë një bashkëpunim me modelen Niki Delijorgji. Pas shumë kohësh, këtë Shën Valentin do të rikthehet edhe këngëtarja e mirënjohur Jehona Sopi. Ajo do të sjellë një videoklip me titull “Jena dashtë”./revistawho.com