Atletja e njohur shqiptare, Luiza Gega vazhdon të na bëjë të ndihemi krenarë për të. Kësaj here Luzia ështe shpallur atletja e muajit në Europë. Lajmin e ka bërë të ditur ministria Xhaçka, e cila përmes një postimi në llogarinë e saj zyrtare në “Facebook” ka falenderuar Gegën që është edhe nëntetare në Policinë Ushtarake. “Nëntetarja e Policisë Ushtarake, Luiza Gega nderoi kombin dhe forcat e armatosura duke u shpallur atletja e muajit në Evropë, pasi theu rekordin kombëtar në 3000m në Karlsruhe. Kjo arritje uroj të jetë ogur i mirë për Lojërat Olimpike 2020 dhe Kampionatin Evropian Paris 2020”, u shpreh Xhaçka.
Puna dhe përkushtimi i Luizës po shpërblehen dhe jemi të sigurt se nuk do të ndalet me kaq pasi suksese të tjera e presin përpara./revistawho.com
