Isli Islami dhe Ori Nebiaj janë dy prezantuesit simpatikë të emisionit të mëngjesit “Wake up”. Dyshja prej kohësh janë përfolur për një lidhje mes tyre.
Asnjë reagim nuk kemi marrë nga Isli dhe Ori pasi ata kishin preferuar të mos i komentonin këto thashetheme. Por së fundmi Isli ka qenë i ftuar tek “Rudina” dhe mes shumë gjërave që ai tha foli për herë të parë dhe për marrëdhënien e tij me moderatoren bukuroshe.
“Ori ashtu siç duket në ekran, ashtu edhe është në të vërtetë, është komode, është e qeshur…”, tha Isli dhe thekso se ajo është mikeshë shumë e mirë.
“Ndër personat e parë që shoh në mëngjes është Ori dhe jam me fat se kam ç’të shoh”, u shpreh Isli.
Me këtë deklaratë ai hodhi poshtë gjithë thashethemet duke na treguar se ata janë vetëm dy miq dhe kolegë shumë të mirë.
