Aktori i mirënjohur i humorit Zef Deda ditën e sotme ka qenë i ftuar në emisionin “Rreze Dielli” në Report Tv. Ai ka rrëfyer shumë të pathëna për jetën dhe karrierën e tij. Një ndër to është edhe njohja me bashkëshorten, Rozën e cila ka qenë në krah të aktorit gjatë gjithë karrierës së tij artistike. Përmes humorit dhe batutave Zef Deda na ka treguar disa detaje rreth ditës së dasmës së tij.
“Për ditën e martesës kemi marrë të gjitha karriget e lagjes. E bëra me 31 dhjetor dasmën sepse duhet të kishim pak bëllëk. Natën e parë të martesës nëna kishte nisur nusen të flinte. Unë bëja lojëra gjithmonë. Kur futem mbylla derën dhe bërtita me të madhe me një britmë të madhe. I thashë ç’më ka gjetur, ka hyrë diçka në shtrat. Më tha: është gruaja, je martuar. Fli. I thashë: Si mund të fle me dikë që nuk e njoh (qesh)”, tregon Zef Deda.
Gjithashtu ai nuk la pa përmendur dhe punën e mundin që heqin aktorët shqiptarë të cilët luajnë role shumë të mira madje sipas Zef Dedës puna e tyre mund të krahasohet me akorët që kanë famë ndërkombëtare.
