Ditën e sotme u nda nga jeta Nexhmije Hoxha, e veja e ish-udhëheqësit komunist Enver Hoxha në moshën 99-vjeçare. Në një moment delikat si ky, këngëtarja Rezarta Shkurta zgjodhi t’i dedikojë fjalët më të ndjera, duke treguar dhe vlerësimin e saj për të.
“Pata fatin të njoh një zonjë ‘Histori’. Një gjyshe e stërgjyshe të dashur. Një grua shekullore për nga mosha, fuqia dhe dija e saj. Një grua luftarake deri në fund. Kujtimet dhe përshtypjet e para që kam për Nexhmije Hoxhën ishte përpikmëria. Oraret e sakta pa lëvizur sekondi, në zgjimin, vaktet, takimet apo kur ulej të shkruante kujtimet e saj. Për mua asokohe, por edhe sot ishte dhe është e pabesueshme se si një njeri për aq vite me aq përpikmëri të organizonte jetën e saj. Më pas pata fatin të isha fotografja personale. Ndërkohë që e fotografoja këtë zonjë 99-vjeçare, pasi më kish cituar me përpikmëri se si e dëshironte foton, apo korrigjonte në mënyrë më të detajuar këndet fotografike, kuptoja se jo rastësisht kjo zonjë kish bërë histori. Një nga planet e saj ishte të realizonte librin e saj të fundit ‘Përjetime dhe meditime në jetën politike’, e më pas e qeshur thoshte mund të iki nga kjo botë. Dhe ashtu bëri kjo zonjë e mahnitshme, e zbatoi planin siç kish bërë gjithë jetën e saj. E fortë, e kthjellët, me një memorie të jashtëzakonshme, sot nuk u zgjua nga pushimi i pasdites, por la pas dashurinë dhe një trashëgimi historike. Të prehesh në paqe nëna Mija”, ka shkruar Shkurta në postimin e saj të fundit në rrjetet sociale, ku ka përmbledhur momentet më të ëmbla të vajzës së saj, Hera me gjyshen Nexhmije./revistawho.com
https://www.instagram.com/p/B9CUa8oJXWL/?utm_source=ig_embed
