Derbi mes Tiranës dhe Partizanit ditën e sotme ka shkaktuar mjaft komente, për shkak se skuadra e kuqe u mund 5 me 1. Drejtor i Partizanit është vëllai i kryeministrit, Olsi Rama. Por me sa duket, ai ka përballë si kundërshtar nipin e tij, Gregun, i cili është shfaqur në shkallët e stadiumin me flamurin e Tiranës në qafë. I gjendur mes dy ‘zjarreve’, kryeministri Edi Rama ka publikuar një foto duke treguar situatën në të cilën ndodhet, sigurisht me nota humori. “O zot, ky me Tironën xhaja vet dhe Erioni im me Partizonin. Halle halle kjo dynja, halli hallit nuk i ngja”, shkruan Rama në foton e Gregut si tifoz i Tiranës. Kryeministri e ka treguar shpesh se është një fans i zjarrtë i futbollit, ndaj këto duhet të jenë momente me shumë emocione për të.
https://www.instagram.com/p/B9H9iXJJzI2/?igshid=c8u2kdt8sio6
