Nora Istrefi: Ja sekreti i lidhjes sonë, po mendoj për fëmijë të dytë

Çifti më i përfolur në muzikën shqiptare herë pas here kanë thyer heshtjen duke treguar se po kalojnë çastet më të bukura të martesës së tyre, pas ardhjes në jetë të Rene. Në një intervistë për ‘Prive’ ka qenë pikërisht këngëtarja e hitit “Sa t’kam dasht’ e cila ka rrëfyer se është gjithmonë pre e thashethemeve të ndryshme, por asgjë nga ato nuk janë të vërteta. ”Unë jam një prej atyre personave që kam pasur dëshirë me bë bujë me muzikë e jo me thashetheme apo jetën private mirëpo që është diçka e pashmangshme dhe nuk e di për vete jam tip që nuk merrem me thashetheme, thjeshtë e bëj punën time më së miri e sa i përket kopjimeve nuk më bëjnë përshtypje se jemi vend i vogël dhe nuk e kemi gjithë atë luks që të krijojmë dicka vet por mundohem që të jem vetvetja, kaq”. Këngëtarja dhe bashkëshorti i saj, Roberti kohët e fundit janë etiketuar në prag ndarje, por Nora mohon kategorikisht këtë gjë. “Me thënë të drejtën ne nuk kemi krizë, këtë e ka sqaruar dhe Roberti dhe e sqaroj unë, martesa jonë nuk është produkt i një lidhje një javore e 1 vjetore, por lidhja jonë ka vite të investuara si dëshmi është dhe martesa dhe më pas vajza jonë, thashetheme normal që ka dhe ka me pas edhe për mua dhe kolegët e mi thjeshtë ato janë prezente mirëpo nuk ndikohem prej tyre, ndonjëherë fjalët e pavërteta marin jehonën pa e dit publiku cka ndodh në jetën tonë, unë thash përpara nuk kam qenë aspak tip që merem apo më bëjnë përshtypje e tash akoma më pak shkak i obligimeve rreth vajzës, thjeshtë nuk i marr parasysh”, thekson këngëtarja.