Grida Duma ka qenë e ftuar mbrëmjen e sotme në emisionin ‘Në Kurthin e Piter Pan’ në ekranin e ‘Tv Klan’. Duma ju përgjigj me mjaft sportivitet pyetjeve thumbuese të fëmijëve, ndër to dhe asaj në të cilën u pyet nëse e ka gjetur princin e kaltër. Grida pohoi se edhe “mund ta ketë gjetur” atë.
“Ti nuk mendon, por për atë njeriun që ti mendon se duhet të jetë si “princi i kaltër” si në përralla, se unë mendoj që nuk duhet menduar më për “princin e kaltër”, për një gocë kaq fantastike si ti. Gjërat vijnë vetë nëse ti je kaq shkëlqyese se do jesh një njeri i rëndësishëm ti me kaq talent sa ke, por atë ide që kemi ne për “princin e kaltër” në përralla, gjithsesi është mirë që secili prej nesh ta gjejë. Edhe unë mundet ta kem gjetur, por nuk duhet ëndërruar për këtë”, ju drejtua Duma plot përzemërsi një prej vogëlusheve të programit.
Kujtojmë se Grida është një nga figurat më simpatike të politikës shqiptare, e cila ka treguar gjithmonë transparencë në ekran./revistawho.com
