Theu rregullat e vetizolimit për për t’i çuar mjekëve ëmbëlsira, Klodiana Shala flet për herë të parë për këtë gjest

Ish-kampionia shqiptare, Klodiana Shala vetëm pak ditë më parë theu rregullat e izolimit për të bërë një gjest unik për mjekët dhe infermierët e Qendrës Shëndetësore në Kamëz. E veshur me doreza dhe maskë Shala i shpërndau stafit mjekësor petulla dhe kek. Ishin mjekët ata që e bënë të ditur këtë gjest të Klodianës për mediat pasi ajo vetë nuk preferon të bëjë publike të mirat që bën. Mëngjesin e sotëm Klodiana ishte e ftuar në një lidhje direkte me “Skype” në emisionin “Wake Up”. E pyetur nga moderatorët e programit për këtë gjest human, Klodi tha se e bëri me shpirt. Gjithashtu theksoi se nuk i pëlqen që u bë publike dhe i bën një thirrje të gjithëve të sensibilizohen dhe të ndihmojnë ata që kanë nevojë.