Këngëtarja e njohur, Marsela Çibukaj ka festuar ditën e sotme ditëlindjen e saj. Ajo ka treguar si e ka gjetur kjo ditëlindje e pazakontë midis shumë urimesh.
“Ndaj me ju këtë rreze dielli, erdhi në ballkonin tim sot bashkë me urimet tuaja. Erdhi në këtë ditë të parë të pranverës, në këtë ditë të datëlindjes time. Një ditëlindje kjo me siguri e pazakontë. Ndoshta mund ta kisha imagjinuar ndryshe, me përqafimin e familjes që kam larg, apo të fikja qirinjtë me shoqërine, me siguri të luaja muzikë deri vonë me çunat e band-it tim. Por ja që kjo rreze dielli kaq e vogël, por kaq e ngrohtë në ballkonin tim sot më kujton se e njëjta rreze dielli sot po përkedhel faqet e të gjithë atyre që dua dhe që kam më të shtrenjtë në jetë edhe pse larg në këtë ditë, po përkëdhel edhe mollzat tuaja dhe kaq mjafton për të kuptuar sensin e jetës dhe sensi është jeta vet. Asgjë nuk ka më shume kuptim se kaq. Pranvera erdhi njerëz, bashkë me të dhe dielli. Ditë të bukura e plot jetë kemi përpara”, ka shkruar Çibukaj në postimin e saj në rrjetet sociale.
Edhe në këtë postim, urimet për këngëtaren e njohur nuk kanë munguar. Miqtë dhe ndjekësit e Marselës kanë lënë një sërë komentesh duke i uruar fjalët më të mira./revistawho.com
https://www.instagram.com/p/B9__6f-D6hQ/?igshid=wfjev82knymy
