E zbuloi gjatë karantinës, ish-ministrja tregon talentin e saj të fshehur

Ish-ministrja Klajda Gjosha, ishte e ftuar në “Ftesë në 5” me Bieta Sulon. Ajo tregoi se si i ka kaluar këto ditë në karantinë pranë fëmijëve, Luisit dhe Gresit, duke u shprehur se i ka shijuar shumë. Madje ajo ka treguar se ka zbuluar edhe një ‘talent’ të fshehur. Klajda tha se nuk e dinte që ishte mësuese kaq e mirë dhe këtë e ka vënë re teksa ka ndihmuar të birin me detyrat e shtëpisë. “Kam mësuar që kam aftësi të mira si mësuese. Ndihmoj Luisin në bërjen e detyrave, të matematikës së tyre të thjeshtë dhe leximit. Por kam kuptuar që kam talent në këtë fushë”, tha Klajda. Në fakt shumë prindër duhet të kenë zbuluar aftësi në dhënien e mësimit, pasi fëmijët po mësojnë online, duke qenë se nuk kanë shkuar në shkollë prej pandemisë dhe nuk do të shkojnë deri në shtator.