Për shkak të koronavirusit, ndahet nga jeta aktorja e njohur e telenovelave meksikane

Koronavirusi i ka marrë jetën një prej aktoreve më të njohura të telenovelave meksikane, Pilar Pellicer. Aktorja është ndarë nga jeta ditën e djeshme në moshën 82-vjeçare. Mediat meksikane raportojnë se Pellicer kishte patur komplikime me shëndetin për shkak të Covid-19. Ajo ishte një nga aktoret më të vlerësuara të kinemasë. Pellicer mori pjesë në më shumë se 40 filma e telenovela. Mes tyre ajo njihet për rolet në telenovelat “Triumfi i dashurisë” dhe “Njerka” të cilat janë transmetuar edhe në Shqipëri. Personazhe të njohur meksikanë janë shprehur të pikëlluar për humbjen e aktores së madhe duke çuar ngushëllime për familjen e saj. Pellicer la pas një vajzë, Ariane Pellicer e cila është gjithashtu aktore./revistawho.com