Një vakt fantastik vegjetarian! Supa është e pasur në vitaminë K, riboflavinë, vitaminë B6, kalium, mangan, vitaminë C dhe fibra dietike. Përmban sasi të ulëta të kolesterolit.
Përbërësit
Lëng pule
300 gr kungull i njomë
50 gr gjalpë
2 limonë
1 qepë e thatë
2 qepë të njoma
2 thelpinj hudhre
1 tufë borzilok
Pak mendërz të freskët
Arrë moskat
100 ml vaj ulliri
Kripë
Piper
- Mund të zëvendësoni qepët me prasin.
- Mund t’i shtoni përbërës shtesë si fara luledielli, karçof, vaj avokadoje, karrota.
Udhëzimet
Hapi 1Pastrojmë perimet dhe i presim: kungullin në feta, qepët i grijmë në kube, erëzat e njoma i grijmë hollë.
Hapi 2Në një tenxhere vendosim qepët, hudhrat dhe kungullin. I vendosim të skuqen me vajin e ullirit dhe gjalpin, derisa të zbuten.
Hapi 3Pas disa minutash shtojmë lëngun e pulës dhe e lëmë të ziejë për 40 minuta në zjarr të ngadaltë.
Hapi 4Në fund e kriposim dhe e aromatizojmë supën me borzilokun, arrën e moskatit të kaluar në rende, limonin dhe piperin.
Hapi 5E lëmë supën të ziejë për 10 minuta të tjera dhe më pas e kalojmë në multi.
