Tashmë prej dy vitesh, çdo verë mbahet në Prishtinë “Sunny Hill Festival”, që mbledh shumë këngëtarë shqiptarë e huaj dhe mijëra fansa. Mirëpo për shkak të pandemisë ky festival ka patur shumë pikëpyetje. Organizatorja e tij, Dua Lipa, ka treguar se këtë vit për fat të keq “Sunny Hill” nuk do të mbahet. Dua ka lajmëruar se festivali do të mbahet vitin tjetër. “Na vjen keq që nuk mundëm të festonim këtë verë, por mezi presim 2021-shin. Deri atëherë, kujdesuni për veten dhe për të tjerët duke zbatuar rregullat e autoriteteve mjekësore”, ka shkruar Dua krahas postimit. Ky lajmërim mund të ketë trishtuar shumë fansa, edhe pse diçka e tillë ishte e pritshme për shkak se grumbullimet me shumë veta nuk do lejohen për një kohë të gjatë.
https://www.instagram.com/p/CAf-HuiB_sB/?igshid=1x4g0z7huy8mt
