Green Home Tirana, projekti që ka për qëllim të shtojë #BallkonetEGjelbra në kryeqytet, nisi si një nevojë për t’u ardhur në ndihmë qytetarëve gjatë ditëve të karantinës dhe vijon edhe sot si një alternativë e shkëlqyer për të kaluar kohë në shtëpi, me fëmijët dhe familjarë të tjerë.
Po pse një projekt për të gjelbëruar ballkonet?
Sepse ballkoni ka qenë dhe mbetet vendi i parë ku kemi bërë check inn; sepse ballkoni është hapësira ku mblidhet familja, ballkoni është parku i lojërave në periudhën pranverë-verë, është terapia më e mirë e çlodhjes pas një dite plot me angazhime.
Gjelbërimi i ballkonit ka vlera të jashtëzakonshme, për frymëmarrjen e qytetit, por edhe për shtëpinë tuaj. Veç luleve dekorative me aromë të mirë, ju mund të mbillni në ballkon erëzat që ju duhen çdo ditë në gatim, mund të mbillni limonin, apo luleshtrydhen që i duam aq shumë në çdo familje. Me dhjetëra shtëpi dhe familje në Tiranë mbajnë tashmë në ballkonet e tyre bimët e Green Home Tirana, iniciativës së gjelbër që u mbështet fuqimisht nga Credins Bank, si një partner serioz në zhvillimin e kësaj ideje. #BallkonetEGjelbra u përqafuan menjëherë edhe nga shumë personazhe të njohur në vend. Të dhënë pas luleve, gatimit apo kohës cilësore të shpenzuar me familjen, emra si Arbana Osmani, Eranda Libohova, Eneda Tarifa, etj, kanë tashmë në ballkonet e tyre një kënd të kuruar nga Green Home Tirana. Mjafton një vizitë në rrjetet sociale të Green Home Tirana në Facebook dhe Instagram, për të marrë informacionin që ju duhet mbi bimët dhe mundësitë e gjelbërimit të ballkonit tuaj.
Green Home Tirana, u ndërtua nga skuadër profesionistësh të përkushtuar ndaj gjelbërimit, agronomë, urbanistë, arkitektë, specialistë dhe bashkëpunon me serat më të mëdha në Shqipëri për kultivimin e këtyre bimëve.
Momenti është tani! Ballkoni yt mund të shndërrohet në hapësirën e parapëlqyer në shtëpi, për të konsumuar kafen e mëngjesit, për darkën e freskët, apo për të punuar në orët e vapës.
