Me anë të një videoje falenderuese, moderatorja dhe autorja e ‘Ftesë në 5’, Bieta Sulo ka zgjedhur të përshëndesë të gjithë stafin e gazetarëve dhe teknikës së ‘Top Channel’ për transmetimin me dy orë ‘live’ prej 3 muajsh.
“2 orë transmetim i drejtpërdrejtë, çdo ditë për 3 muaj, në 3 muaj të vështirë për ty, për ne. Por falë teje ia dolëm, falë teje ‘Ftesë në 5’ është emisioni më i suksesshëm i pasditeve shqiptare, për të mos folur për shikueshmërinë në ‘Youtube’, fantastike. Këtë sukses ta dedikoj ty. Bashkë në ditë të mira e ditë të vështira, me garancinë që kam qenë gjithmonë, po gjithmonë në anën e mirë, në anën e drejtë të historisë. Shihemi nga 1 qershori në rrjedhën normale të transmetimit me shpresa dhe energji të reja, një stinë e bukur na pret”, ka shkruar Bieta krah postimit të fundit në rrjetet sociale ku ka sjellë një përmbledhje edhe të gjithë personazheve që kanë qenë pjesë e programit të pasdites këto 3 muaj.
Ashtu si e ka bërë të ditur dhe Sulo që prej datës 1 qershor ‘Ftesë në 5’ do i rikthehet orarit të përhershëm, pasi në po të njëjtën datë do të nisë dhe transmetimi i ‘Deal or not Deal’ me Eno Popin./revistawho.com
https://www.instagram.com/tv/CAyHxTeHOrQ/?igshid=1suddm7s3fpsx
