Në puntatën e radhës të “Dua të të bëj të lumtur” do të transmetohet historia e një vajzë që është abuzuar në moshën 12-vjeçare. Mirëpo kjo ka hasur në reagime të shumta.
Avokatja dhe aktivistja, Brizida Gjikondi i ka kërkuar Arbana Osmanit të mos e bëjë publike historinë e vajzës.
“Të lutem Arbana, mos e shndrro tragjedinë e femrës shqiptare në një klikim sipërfaqësor mediatik, tragjedia është shumë më e thellë se aq, ti je vajzë e mirë, je e bërë vetë, hajde nesër në marshimin e femrave shqiptare… hajde që ti japim këtij palo shteti një shtysë, që ti bashkrendojë institucionet, punët dhe ti përgjojë të drejtat e fëmijëve në cdo cep të këtij pëllëmbë vendi… hajde.. dhe po erdhe.. misoni yt është shumë më shumë se emisioni i radhës”, shkruan Gjikondi. Pas kësaj, ka ardhur edhe reagimi i moderatores Arbana Osmani, e cila ka treguar se kjo është dëshira e vetë vajzës në fjalë. Moderatorja shton se është e padrejtë t’i mbyllësh gojën dikujt që po bën thirrje për ndihmë dhe dëshiron t’i japë guxim vajzave të tjera që janë abuzuar. Po ashtu, Arbana është shprehur se në marshim do të jetë patjetër.
