Këngëtari i famshëm, Justin Bieber, është bërë pjesë e një skandali. Ai akuzohet nga dy femra se ka abuzuar seksualisht me to. Njëra prej tyre, e prezantuar me emrin Danielle, e ka treguar historinë e saj në Twitter.
Ajo pretendon se në datën 9 mars të vitit 2014, Bieber ftoi Danielle-n dhe miqtë e saj në hotelin Four Season dhe më pas e çoi në një dhomë dhe e sulmoi. Justin ka reaguar, duke mohuar çdo akuzë.
“Zakonisht nuk i kushtoj rëndësi akuzave me të cilat jam përballur gjatë gjithë karrierës sime, por unë, bashkëshortja ime dhe ekipi vendosëm që të flisnim për një ngjarje”, shkroi ai. “Thashethemet janë thashetheme, por nuk e kaloj lehtë diçka si abuzimi seksual. Doja të flisja për respekt të të gjitha viktimave të abuzimit seksual. Doja të sigurohesha që i kisha të gjitha faktet para se të flisja”.
Në Twitter, Justin postoi një mori fotosh, rezervime dhe artikuj të asaj kohe. Ai thekson se në atë periudhë ka qenë së bashku me Selena-n, ka qëndruar në një AirBnb në 9 mars dhe ditën tjetër shkoi në hotelin Westin, jo Four Season siç pretendon Danielle.
Po ashtu, një grua me emrin Kadi pretendon se truproja e Bieber e ftoi atë në dhomën e tij të hotelit pas një takimi në New York City në maj të 2015, ku disa njerëz, përfshirë yllin e Disney Channel, Kyle Massey, ishin të pranishëm.
Kadi pretendon se Justin e ka mbyllur në tualet dhe ka nisur ta ngacmojë, megjithatë shton se ia arriti të largohet prej tij.
Sipas saj, kjo ka bërë që ajo të rehabilitohej pasi kërkonte trajtim mendor.
