Pa pikë dyshimi Tayna është një ndër këngëtaret më “in” të momentit. Veç suksesit të saj në karrierë, ajo ka ditur të na befasojë me look-un e saj herë pas here. Teksa është në kulmin e suksesit të saj në muzikë, këngëtarja është treguar gjithnjë e më e rezervuar përsa i përket marërdhënieve me meshkujt, apo flirtimeve. Duhet ta pranojmë se na ka bërë të gjithëve kuriozë se me kë mund të jetë lidhur reperja. Këngëtarja e hiteve si “Columbiana” dhe “Kce” ka vendosur të na e shuajë kureshtjen. Nëpërmjet një ‘meme’ në ‘instastory’ ku shkruhej: “Gocat pasi kanë refuzuar 86 çuna: Askush nuk më do”, Tayna zbuloi kështu raportin e saj me meshkujt. Epo mesa duket nuk qenka kaq e lehtë ta vjedhësh zemrën e Taynës, kështu që djema lajm i keq! Ndërkohë ajo ka treguar se është duke përgatitur këngën e saj të re, dhe nuk ka zbuluar ende një datë publikimi.
