Gatuani një supë të lehtë dhe të pasur me vitaminë C. Në më pak se 30 minuta do të përgatisni një pjatë perfekte për darkën gjatë javës ose një vakt vegjetarian.
Përbërësit
300 gr lloje të ndryshme kërpudhash (Portobello, Champignon, Porcini etj.)
Pak lëng pule
1/2 gotë verë e bardhë
2 lugë kos
50 ml vaj tartufi
50 gr gjalpë
50 ml vaj ulliri
1 limon
1 qepë
3 thelpinj hudhre
Pak majdanoz
Kripë
Piper
- Kërpudhat Cremini – të zakonshme i japin një shije umami supës tuaj, krahasuar me kërpudhat e bardha.
- Për ta bërë më të trashë dhe kremoze, shtoni fasule të bardha ose patate të ziera.
- Mund të përdorni lëng perimesh në vend të lëngut të pulës.
- Supa mund të ruhet 4-5 ditë në frigorifer. Ruajeni në një enë prej qelqi.
Udhëzimet
Hapi 1
Pastrojmë mirë kërpudhat. Kërpudhat e vogla nuk i lajmë me ujë, por i pastrojmë me pecetë të pastër dhe të njomë, ndërsa kërpudhave të mëdha u heqim cipën. I presim në feta.
Hapi 2Presim hollë qepën dhe hudhrat, ndërsa majdanozin e grijmë imët.
Hapi 3Vendosim në një tenxhere gjalpin, vajin e ullirit, qepët dhe hudhrat. I lëmë për pak minuta në zjarr me temperaturë të ulët.
Hapi 4Shtojmë kërpudhat dhe mbyllim tenxheren me kapak, që kërpudhat të nxjerrin lëngun e tyre.
Hapi 5I shuajmë me verë dhe shtojmë lëngun e pulës, kripën, piperin, majdanozin dhe vajin e tartufit.
Hapi 6E ziejmë supën deri në momentin që ka marrë shijen e dëshiruar, dhe në 10 minutat e fundit shtojmë lëngun e limonit dhe kosin. Në fund e kalojmë në multi procesor.
