Këngëtarja e njohur Adelina Thaçi ka rezultuar pozitive me Koronavirus.
Këtë e ka konfirmuar vetë këngëtarja përmes një shkrimi në llogarinë e saj në Facebook, ndërsa dhe ka treguar disa nga simptomat që i janë shfaqur .
”Të dashur miq e familjarë,
Pas kaq muajve te kujdesit maksimum nga ky virus, pa dalë asnjëherë pa maska, pa dorëza, besa tre muajt e parë as nga shtëpia. Në mesin e kësaj popullate kemi kaq shumë njerëz të papërgjegjshëm që i hasim dhe e fshehin infeksionin pa asnjë fije turpi.
Unë hasa në këto simptoma
Para dy dite, pra:
Lodhje të madhe të trupit
Dhembje të syve lartë, poshtë, anash, kokëdhimbje dhe qafa. Unë s’kam humbje të shijes e as të nuhatjes, jo koll.
Temperaturë 37.5
Pra këto ishin simptomat e mija.
Dhe e bëra testin, ku para pak çastesh më rezultoi pozitiv”, thotë ajo e cila bën dhe një apel të fortë.
”Ju lutem mos fshehni që jeni me virus, mos dilni pa masa mbrojtëse, e ju njerëz që e fshihni duhet marre me ju ardhë, e që e di që jeni të shumtë!
Me respekt Adelina Thaçi-Meta”.
