Pas suksesit të madh që ka hasur me dy projektet e fundit muzikore, ‘Madonna’ dhe ‘PP’, Mozzik ka vendosur të japë një mesazh të rëndësishëm në llogarinë e tij në ‘Instagram’.
Si rrallëherë reperi është shfaqur ndryshe teksa ka pohuar se virusi ‘Covid-19’ ekziston dhe se të gjithë duhet të bëjnë kujdes prej tij.
“Ka virus. Covid-19 e kemi kudo, iu lutem të gjithëve të mbani maskat. Respektoni rregullat. Edhe njëherë, ka virus”, ka shkruar Mozzik krah videos ku shfaqet me maskë së bashku me grupin e tij të punës.
Nuk dihet nëse pas kësaj deklarate të rëndësishme, Mozzik do të ndalojë koncertet e tij, apo do të vazhdojë aktivitetin normalisht. Kujtojmë se momentalisht reperi po shijon suksesin e dy këngëve të fundit dhe ka lajmëruar edhe publikimin e albumit në vetëm pak javë./revistawho.com
https://www.instagram.com/p/CCoGg4GFdgA/?igshid=1t4bnq36xxpfc
