Edhe pse këto ditë kanë patur vranësira, e diela do të rikthejë motin e qëndrueshëm.
“E diela do të ketë mot të kthjellët me temperaturë deri në 35 gradë celsius. Në skajin verior nuk përjashtohen reshje të izoluara të shiut”, shprehet sinoptikania Adjola Bani për Tv Klan. Ajo shton se java e ardhshme do të ketë mot të nxehtë, pasojë e masave ajrore nga veriu i Afrikës, që do të pushtojnë Ballkanin.
“Duke nisur i javës temperaturat do të arrijnë në 38 gradë, madje në pjesë të caktuara të territorit deri në 39 apo 40 gradë celsius”, shprehet Bani.
Sinoptikania tregon edhe për ata që duan të kalojnë pushimet në fund të korrikut.
“Moti do të jetë i mirë gjatë 2 javëve të fundit të korrikut, edhe pse java e fundit do të jetë pak më e freskët me temperatura që shkojnë deri në 36 gradë celsius”./revistawho.com
