Këngëtarja e njohur, Rozana Radi, ka reaguar ashpër ndaj personave që nuk respektojnë masat e ndërmarra ndaj Covid-19. Ajo ka shtuar edhe më tej duke ndarë histori të saj personale, teksa tregon se miq të saj janë të shtruar në spital. “Për mua çdo individ, i cili nuk mban maskë, nuk mban distancim social është një “ínjorant” dhe kjo pandemi më bëri të kuptoj që Shqipërinë e shkatërruan shqiptarët. S’më plas fare për politikë as s’dua t’ia di… Kam miq të shtruar në spital, të cilët janë mosha ime dhe janë keq. Ndaj ju lutem nëse keni ndërmend të merrni në qafa ata që i respektojnë këto rregulla, lidhni një gur në qafë vetë dhe mbysni veten tuaj”, thuhet në postimin e Rozanës. Me siguri ky postim ka marrë mbështetjen e shumë njerëzve, megjithatë ka edhe nga ata që nuk e besojnë akoma.
