Historia e dashurisë së gazetares, Iva Tiço ka qenë ndër më të përfolurat kohët e fundit në mediat rozë.
Por sot në “Pushime on Top”, për moderatoren Ori Nebijaj, Iva ka zbuluar të tjera sekrete nga lidhja e saj.
Nëpërmjet një xhiro me biçikletë në plazhin e Semanit, Iva ka treguar momente pikante nga fëmijëria e saj, por është ndalur edhe tek historia e bukur e dashurisë, të cilën po e shijon në maksimum. Takimi i tyre i parë ka qenë në një nga baret e Tiranës, ku djaloshi simpatik i rregulloi kompjuterin gazetares së njohur të medias së shkruar.
“Më rregulloi kompjuterin, kaq mjaftoi për të shkëmbyer numrat e telefonit. Ishte thjesht një njeri i mirë që më rregulloi diçka tek kompjuteri, ndërsa shtoi se kjo lidhje ka lumturuar pafund edhe nënën e saj. “Mami është shumë e kënaqur, edhe para disa ditësh shkuam për drekë kishte gatuar për një ushtri jo për dy veta”.
E pyetur nga Ori nëse ka në plan të bëj një dasmë Iva u shpreh duke qeshur: “Dasmë në buzë të detit në Seman. Imagjino si mund ta dekoronte Mand Peza atë shtyllën në mes të detit”.
“Ajo që kam kuptuar sidomos nga pandemia, kurrë në jetë mos bëj plane. Sepse teksa ne bëjmë plane dikush atje lart ka një plan për ne”, ka përfunduar Iva Tiço./revistawho.com
