Pas lajmit se po kurohet në Turqi, reagon Erion Veliaj: S’jam larguar në asnjë moment, testi i parë doli negativ dhe po pres të dytin

Disa media raportuan gjatë ditës së sotme se kryebashkiaku i Tiranës, Erion Veliaj, është nisur për kurim të specializuar në Turqi pasi u infektua me Covid-19. Këtë e ka hedhur poshtë vetë Veliaj në një komunikom për Faxweb.al. Ai është shprehur se gjendja e tij është drejt shërimit të plotë, dhe nuk ka asnjë të vërtetë se ka pasur nevojë për trajtim jashtë vendit. “Jam në Tiranë duke pritur testin e dytë, që të konfirmoj nëse jam shëruar apo jo. Testi i parë ka dalë negativ, dhe brenda 48 orësh pres përgjigjen e testit të dytë. Nuk jam larguar në asnjë moment jashtë vendit”, është shprehur Veliaj./revistawho.com