Moderatorja e njohur, Orinda Huta ka treguar me postimet e ndryshme në llogarinë e saj se ndodhet në qytetin e Gjirokastrës, së bashku me stafin e programit ‘Jo vetëm modë’.
Së fundmi ajo ka ndarë disa foto në rrugicat e Gjirokastrës, duke zbuluar se si do të duket në promon e re të programit, i cili pritet të vijë shumë shpejt në ekran me nisjen e sezonit të ri televiziv.
“Moderniteti i së djeshmes është tradita e së sotmes. Së shpejti”, ka shkruar Orinda krah fotove ku shfaqet me fustanin në ngjyrë të bardhë, flokët dhe pamjen e kuruar deri në detaje, duke treguar se ka nisur xhirimet tashmë.
Miqtë e Hutës kanë lënë komente të ndryshme duke e komplimentuar për ‘look-un’ e saj. Orinda ka zgjedhur të mos zbulojë asnjë skenë tjetër deri më tani, ndonëse fotot e fundit kanë mjaftuar për të ngjallur shumë kureshtje tek ndjekësit e saj.
Kujtojmë se Orinda mori drejtimin e programit ‘Jo vetëm modë’ në muajin shtator të vitit 2018 dhe që prej atëherë ka sjellë për teleshikuesit larmishmëri bisedash e detajesh nga çdo gjë e bukur që ka tërhequr vëmendjen e audiencës./revistawho.com
https://www.instagram.com/p/CEY45BAj_DO/
